Баткен облусу: Жабылган жана ачык жолдор тууралуу
- 2 года мурун
Баткен облусунун Ош-Баткен-Исфана унаа жолунун 211-220 км (Развилка Чоң-Талаа), 265 км (Кара айыл бөлүгү), 272 км (Төрт-Көчө бөлугү) жана Баткен-Кара-Бак, Баткен-Кызыл-Бел, Көк-Таш-Ак-Сай унаа жолунун 7 км аралыгындагы көпүрө жараксыз абалга келгендигине байланыштуу унаа жолдору каттам үчүн жабылган.
Бул тууралуу транспорт жана коммуникациялар министрлиги бүгүн басма сөз жыйынында билдирди.
Ошондой эле Лейлек районунун Кайрагач-Кулунду-Арка унаа жолу, эски багыттагы Ош-Баткен-Исфана жолунун 340-346 км аралыгы жабылган.
Төрт-Көл-Достук (Кара-Бак айылы), Ак-Сай-Рават, Миң-Булак-Чорго-Ак-Сай, Кок-Таш-Ак-Терек эвакуациялык жолдор ачык, каттам бар.
Кыргызстандын Чек ара кызматы 16-сентябрда тажик тарап ок атышууну баштаганын билдирген.
Саламаттык сактоо министрлиги 17-сентябрь, саат 01.30га карата Баткенде кыргыз-тажик чек арасындагы кагылышта ылайык, 24 киши каза болгон.
