Баласагын атындагы КУУда кызматтык жасалмачылык фактылары аныкталды
- 1 год мурун
Улуттук коопсуздук мамлекеттик комитети (УКМК) Жусуп Баласагын атындагы Кыргыз улуттук университетинде системалык тартип бузуу фактыларын аныктады.
Бул тууралуу УКМК басма сөз кызматы билдирди.
Жүргүзүлгөн иш-чаралардын натыйжасында окуу процессине иш жүзүндө катышпаган, бирок ошол эле учурда окуп жаткандардын катарында болгон студенттер аныкталды. Аталган факты боюнча кылмыш-жаза кодексинин 346-беренесинин 1-бөлүгүндө (кызматтык жасалмачылык) каралган кылмыштын белгилери боюнча кылмыш иши козголду.
Жүргүзүлгөн иштердин натыйжасында окуу шарттарын бузган 2710 студент окуудан чыгарылды.
Учурда жогорудагы мыйзам бузууларга катыштыгы бар Ж.Баласагын атындагы КУУнун профессордук-окутуучулар жана административдик курамындагы адамдардын чөйрөсүн аныктоого багытталган тергөө-ыкчам иш-чаралары жүргүзүлүүдө.
Сүрөт: Интернет булактарынан
