Аламүдүн дайрасына унаа кулап, үч киши каза тапты. Бирөө жаракат алды
- 4 недели мурун
Чүй облусунун Аламүдүн районунда 15-февралда болгон жол кырсыгынан үч адам каза болду.
Чүй облусунун ички иштер башкы башкармалыгынын (ОИИББ) маалыматы боюнча, Бишкек-Теплые Ключи автожолунун 15-чакырымында Hyundai Sonata унаасынын айдоочусу жолдон чыгып, жардан Аламүдүн дарыясына түшүп кеткен.
Жол кырсыгынын кесепетинен 26 жаштагы айдоочу жана машинедеги 20-25 жаштардагы эки жүргүнчү кыз кырсык болгон жерде каза болушкан. Андан тышкары дагы бир 26 жаштагы жүргүнчү жаракат алып, Чүй аймактык ооруканасынын жандандыруу бөлүмүнө жаткырылган.
Жол кырсыгы боюнча тиешелүү соттук-медициналык экспертизалар дайындалды.
Иллюстрациялык сүрөт: Интернет булактарынан
Муну бөлүшүү
