Ала-Бука – Жаңы-Базар – Кировка автожолуна кар көчкү түштү
- 1 месяц мурун
Бүгүн, 11-февралда, Ала-Бука–Жаңы-Базар–Кировка автоунаа жолунун 93-101-чакырым аралыктарында 5 жеринен кар көчкү түшкөнү аныкталды.
Бул тууралуу транспорт жана коммуникация министрлиги билдирди.
Кар көчкүнүн көлөмү такталууда.
Ал жерге тазалоо иштерин жүргүзүү үчүн “Жагалмай” компаниясынан 4 жүктөгүч тартылып, жолду ачуу жумуштарын жүргүзүп жатат.
Аба ырайынын шарттарына байланыштуу, Чаткал райондук мамлекеттик администрациясынын башчысы-акимдин тескемесинин негизинде аталган унаа жолдо бүгүн, 11-февралда, аба ырайы турукташканга чейин кайра унаалардын бардык түрүнө убактылуу чектөө киргизилди.
Иллюстрациялык сүрөт: Министрлик
Муну бөлүшүү
