Кыргызпатент авторлор арасында сынак жарыялайт

Министрлер кабинетине караштуу Интеллектуалдык менчик жана инновациялар мамлекеттик агенттиги (Кыргызпатент) проза, драма, иллюстрацияланган балдар көркөм адабияты жана илимий популярдуу чыгарма номинациялары боюнча авторлордун арасында сынак жарыялайт.

Чыгармалар 2021-жылдын 25-ноябрынан 2022-жылдын  30-апрелине чейин кабыл алынат.

Негизги талаптардын бири — сынакка катышып жаткан эмгектер мурда эч жерде жарыяланбаган болушу керек.

Чыгарманын көлөмү А4 форматтагы Microsoft Word документи тибинде, Times New Roman арибинде, 14-өлчөмдө терилип (саптардын аралыгы – 1,15), 150-600 беттен ашпоого тийиш.

Сынактын жеңүүчүлөрүнө чыгармачылык иштеринин жарык көрүүсүнө финансылык жардам көрсөтүлөт.

Сынакка 30 жаштан жогору авторлор катыша алат.

Сынактын жобосу менен төмөнкү шилтеме аркылуу таанышып чыгууга болот: http://patent.kg/wp-content/uploads/2021/11/Улуттук-сынак-жобо-КЫРГ.pdf

Сынакка Жобонун №1тиркемесине ылайык өтүнмөнү толтуруп, 2022-жылдын  30-апрелине чейин Катчылыктын [email protected] электрондук почтасына же болбосо Кыргызпатенттин дарегине: 720021, Бишкек шаары, Москва көчөсү 62ге жөнөтүү керек.

Байланыш телефондору: (0312) 68-04-71, (0700) 84-83-29, (0552) 84-83-29