Баткенде күчү 4 баллга жеткен жер титирөө катталды
- 3 года мурун
Кечээ, 29-сентябрда Баткен облусунун аймагында очогунда күчү 4 баллга жеткен жер титирөө катталды. Бул тууралуу Өзгөчө кырдаалдар министрлигинин басма сөз кызматы билдирди.
Мекеменин билдиргенине караганда, жер титирөө саат 18:41де катталып, Кадамжай шаарында, Пульгон, Котур–Булак, Жийделик, Кызыл–Булак, Таш–Кыя айылдарында 3,5 балл, Кароол, Кара–Жыгач айылдарында 3 баллга жана Кызыл–Кыя шаарында 2,5 баллга чейин сезилген.
Алдын ала маалыматка ылайык, жер титирөөдөн жабыркагандар жана кыйроолор болгон эмес.
Муну бөлүшүү
