ЖККУ лидерлери Ооганстандагы абалды талкуулашат
- 3 года мурун
Жамааттык коопсуздук келишим уюмуна мүчө мамлекеттердин президенттери 23-августта видеожолугуу форматында чогулуп, Ооганстандагы окуялардын өнүгүшүн талкуулайт. Бул тууралуу ТАСС маалымат агентиги жазды.
Орусия президенти Владимир Путин Москвада Казакстандын президенти Касым-Жоомарт Токаев менен жолугуу учурунда ЖККУга мүчө мамлекет башчылары Ооганстандагы абалды, аймактагы коопсуздукту талкуулашарын билдирген.
ЖККУ уюму 1992-жылы «тынчтыкты, эл аралык жана аймактык коопсуздукту, туруктуулукту бекемдөө, жамааттык негизде коргонуу» максатында түзүлгөн. Ага Армения, Беларус, Казакстан, Кыргызстан, Орусия жана Тажикстан мүчө.
Муну бөлүшүү
