Кара-Суудагы селдин кесепети
- 3 года мурун
Ош облусунун Кара-Суу районунда алдын ала маалымат боюнча, 8-май күнү Мады жана Катта-Талдык айыл аймактарында катуу жааган жаандын кесепетинен сел жүрдү.
Бул тууралуу өзгөчө кырдаалдар министрлигинин басма сөз кызматы билдирди.
Баш-Булак айылында сел болжол менен 20 турак үйдүн, 1 мектеп, 1 бала бакчанын короолорун жана 6 турак үйдүн ичин каптаган.
Ошондой эле Мады айыл аймагынын Кыргызчек айылында сел суулары жүрүп, турак үйлөрдү каптагандыгы тууралуу маалымат түшкөн. Аба-ырайы турукташканга байланыштуу тактоо жана тазалоо иш-чаралары башталды.
Сүрөт: ӨКМ басма сөз кызматы.
Муну бөлүшүү
