Жугуштуу вируска байланыштуу Кытайдан келген жарандар текшерилүүдө
- 4 года мурун
Эл аралык «Манас» аэропортунда Кытайдын Үрүмчү шаарынан келгендер коронавируска байланыштуу текшерилип жатат.
Бул тууралуу аталган аэропорттун басма сөз кызматы билдирди.
Аэропорттун санитардык-карантин пунктунун кызматкерлери тепловизор аппараты менен иштеп, дене табы көтөрүлгөн жана инфекциялык дартка чалдыккандарды аралыктан аныкташууда.
23-январдан 1-февралга чейин Үрүмчү-Бишкек-Үрүмчү каттамы токтотулат. Бул — Кытайда жаңы жылдын майрамдалышына байланыштуу.
Кытайда дарыгерлер дем алуу органдарын сезгенткен жаңы короновирус адамдан адамга жуга турганын ырасташты.
Муну бөлүшүү
