​Кайгуул кызматына экинчи этапта бош кызмат орундарына сынак жарыяланды

Милициянын кайгуул кызматына экинчи этап боюнча бош кызмат орундарына сынак жарыяланды.

Бул тууралуу ИИМдин Жол кыймылын көзөмөлдөө башкы башкармалыгынын басма сөз кызматы кабарлады.

Сынакка катышууга документтер 24-августуна чейин ИИМдин Жол кыймылын көзөмөлдөө башкы башкармалыгы тарабынан Бишкек шаары Валиханов көчөсү 1а дареги боюнча кабыл алынат.

Кошумча маалыматтарды сурап билүү тел. +996 312 63 09 01, +996 312 63 02 53, тел./факс +996 312 63 12 75.

Конкурска аялдар жана эркектер катыша алат:

1) Катардагы кызмат орунга 19 жаштан 30 жашка чейинки курактагылар;

2) Офицердик кызмат орунга 21 жаштан 35 жашка чейинкилер;

3) Cоттолбогону тууралуу маалымкат;

4) «В» категориясындагы айдоочулук күбөлүгү болууга тийиш;

5) Офицердик орунга талапкерлигин койгондор жогорку билимдүү, кенже курамга орто билимдүү болуусу керек;

6) Башкармалыктын начальнигинин кызмат ордуна катыша тургандар үчүн – укук коргоо органдарында жетектөөчү кызмат ордунда үч жылдан кем эмес иш тажрыйбасы болууга тийиш;

7) Эркектердин боюнун узундугу 170 см кем эмес, ал эми аял кишиники 165 см кем эмес болуш керек;

8) Биринчи конкурска катышкан жана тандоодон өтпөй калган талапкерлер жалпы негиздерде экинчи конкурска катыша алышат.

Бош кызмат орундарынын тизмеси сайттын маалымат бөлүгүндө жайгаштырылган. (http://www.guobdd.kg/onenews/1351)