Дмитрий Медведев Чолпон-Атага келет
- 5 лет мурун
Премьер-министр Мухаммедкалый Абылгазиев Россиянын элчиси Николай Удовиченко менен жолугушуу учурунда Россия өкмөтүнүн башчысы Дмитрий Медведевдин Чолпон-Атага келиши күтүлүп жатканын белгиледи.
«Жакын арада Россия Өкмөтүнүн төрагасы Дмитрий Медведевдин Евразия өкмөттөр аралык кеңешинин кезектеги жыйынына катышуу үчүн Чолпон-Ата шаарына сапары күтүлүүдө.
Буга байланыштуу белгилей кетсем, кыргыз-россия кызматташтыгынын динамикасы эң жогорку деңгээлде турат жана биз аны мындан ары карай өркүндөтүү үчүн бардыгын жасайбыз», — деп белгиледи Премьер-министр.
Николай Удовиченко өз кезегинде кыргыз-россия кызматташтыгынын динамикалуу өнүгүүсүн белгиледи.
Жолугушууда соода-экономикалык жана маданий-гуманитардык кызматташтык жана эки жактуу мамилелердин башка актуалдуу маселелери талкууланды.
