Сот экс-мэрлерди УКМК абагында калтырды
- 5 лет мурун
Бүгүн, 24-июнда, Бишкек шаарынын Ленин райондук сотунда экс-мэрлер Кубанычбек Кулматов менен Албек Ибраимовдун соту уланды.
Өткөн сот отурумунда Улуттук коопсуздук комитетинин абагында орун жок болуп жатканына байланыштуу, УКМК Кулматов менен Ибраимовду №1 тергөө абагына которуу тууралуу соттон суранган.
Адвокаттар №1 тергөө абагында алардын абалы начарлай турганын айтып, мындай сунушка каршы чыгышкан.
Сот айыпталып жаткан экс-мэрлерди УКМК абагында калтыруу чечимин кабыл алды.
Кубанычбек Кулматов менен Албек Ибраимов коррупциялык иштерге шектелүүдө.
Сүрөт: Интернет булактарынан.
Муну бөлүшүү
