№13 Сузак шайлоо округу: Жогорку Кеңештин депутатын шайлоо өтүүдө

№13 Сузак бир мандаттуу шайлоо округу боюнча Жогорку Кеңештин депутатын мөөнөтүнөн мурда шайлоодо добуш берүү жүрүп жатат.

БШК маалымдагандай, бүгүн бир мандаттуу үч шайлоо округунда Кыргыз Жогорку Кеңешинин 7-чакырылышынын депутаттары шайланат. Алардын шайлоо 2021-жылдагы шайлоодо колдонулган эрежелер боюнча өткөрүлөт.

Мөөнөтүнөн мурда шайлоодо добуш берүү үчүн №13 шайлоо округунда 81 шайлоо участогу ачылып, 12 округдук шайлоо комиссиясы жана 1004 участкалык шайлоо комиссиясынын мүчөлөрү тартылган.

Добуш берүү саат 08.00дон кечки саат 20.00гө чейин улантылат.

№13 шайлоо округу боюнча биротоло шайлоочулардын тизмесине 124 429 шайлоочу киргизилген.

Бүгүнкү күндө шайлоочулардын саны 2021-жылга (111 510 шайлоочу) салыштырмалуу 12919 шайлоочуга өсүп 11,59% түздү.

№13 Сузак бир мандаттуу шайлоо округу боюнча мөөнөтүнөн мурда шайлоого 7 талапкер катышууда (6 эркек, 1 аял). Алар — Юлия Лилиенталь, Бейшенбек Бегматов, Мелисбек Кошалиев, Алтынбек Кылычбаев, Асилбек Арапбаев, Жыргалбек Сейдахматов жана Медербек Сапарбаев.

Президенттин 2024-жылдын 24-июлундагы жарлыгына ылайык, №13 Сузак бир мандаттуу шайлоо округу боюнча Жогорку Кеңештин депутаттарын мөөнөтүнөн мурда шайлоо 2024-жылдын 22- сентябрына дайындалды.

19-июлда Борбордук шайлоо комиссиясы Жогорку Кеңештин депутаты Тазабек Икрамовду мандатынан ажыратты. Буга Икрамовдун өз эрки менен арыз жазганы негиз болгондугу айтылды.

Тазабек Икрамов 2021-жылы өткөн шайлоодо бир мандаттуу Сузак шайлоо округунан шайланып келген.

Тазабек Икрамов бийликтин туура эмес иш-аракеттерин парламент трибунасынан кескин сындап келген. Ал журналисттердин үйүн тинтүү, суракка  алуу сөз эркиндигине, демократиялык процесстерге терс таасирин тийгизээрин билдирген.

Сүрөт: shailoo.gov