Санариптик технологиялар чөйрөсүнүн кызматкерлеринин күнүн белгилөө бекитилди

Министрлер кабинети 4-апрелди Кыргыз Республикасында санариптик технологиялар чөйрөсүнүн кызматкерлеринин күнү деп белгиледи.

Тиешелүү чечимге Министрлер кабинетинин төрагасы Адылбек Касымалиев кол койгону тууралуу МинКаб сайтында маалымдалды.

Документ санариптештирүү жана маалыматтык технологиялар чөйрөсүнүн кызматкерлеринин Кыргыз Республикасын социалдык-экономикалык өнүктүрүүдөгү ролун жана салымын институттук таанууну колдоо максатында кабыл алынды.

Акыркы бир нече жылда Кыргыз Республикасында санариптик өнүгүүнүн ченемдик укуктук, институционалдык жана технологиялык базасы ырааттуу түрдө иштелип чыгып, мамлекеттик органдардын ишмердүүлүгүнө маалыматтык-коммуникациялык технологияларды киргизүүнү жана электрондук өкмөттү өнүктүрүүнү камсыз кылууда.

4-апрель дүйнөлүк санариптик чөйрөнүн, маалымат алмашуунун жана тармактык технологиялардын өнүгүшүн символдоштурган Интернет күнү катары көптөгөн өлкөлөрдө белгиленет.

Иллюстрациялык сүрөт: Интернет булактарынан