Мектептерде мина коюлгандыгы тууралуу маалыматтар түшүүдө
- 1 год мурун
Бүгүн, 20-апрелде, бир катар мектептерге мина коюлгандыгы тууралуу маалыматтан улам, окуучулар жана мугалимдер эвакуацияланууда. Бишкек Oxford international school, №4, №33 жана №67 мектептерге мина коюлгандыгы тууралуу маалымат түшүп, ал жактагылар эвакуацияланып, өрт өчүрүү, “Тез жардам” машиналары алынып келинген.
Бул тууралуу маалыматтарды социалдык тармактарда мектеп-окуучуларынын ата-энелери билдирүүдө.
Мындан тышкары №№17, 32, 51, 52, 62, 63, 64, «Сейтек СТЕМ», QSI International School of Bishkek мектептерине да мина коюлгандыгы тууралуу маалымат түшкөн.
Кечээ, 19-апрелде, Жогорку Кеңеш жыйынында УКМК өкүлү Айбек Шаменов мектептерге мина коюлгандыгы тууралуу жалган маалымат бергендер кармала электигин, алар социалдык түйүндөрдүн чет өлкөлүк аккаунттарынан, Россия, Украинадан маалымат жиберип жатканын билдиришкен.
