«Кентавр» — коронавирустун «Омикрон» штаммынын жаңы түрү  

Коронавируска каршы күрөшүү боюнча республикалык штаб коронавирустун “Омикрон” штаммынын “кентавр” деп аталган жаңы түрү тууралуу  маалымат тараттты.

Кентавр тууралуу эмне белгилүү? 

Дүйнөдө коронавирустун «Омикрон» штаммынын жаңы түрү «Кентавр» жайылууда. Калк арасында «Кентавр» деп аталып калган SARS-CoV2 мутациясы окумуштуулар тарабынан BA.2.75 катары белгиленет. Алгачкы ирет аны Индияда аныкташкан, бирок вирус башка өлкөлөргө — Улуу Британия, АКШ, Австралия, Германия, Канадага жана азыр Россияга тез өтүп кетти. 

COVID-19дун бул варианты адам өлүмү учурларынын төмөндүгү менен айырмаланат. 

Окумуштуулар кандай ойдо? 

Оорунун алдын алуу жана көзөмөлдөө боюнча Европа борборунда (ECDC) «Кентавр» штаммчасы көзөмөл астында турган катары белгиленген. Бул илимпоздор вирустун жайылуу коркунучу жана кооптуулугу жөнүндө тыянак чыгарууга шашылбай турганын билдирет. Ошол эле учурда, ал буга чейин коронавирустук пандемиянын «кара аты» деп аталып калган. 

«Кентавр» омикрондун башка түрлөрүнөн эмнеси менен айырмаланат? 

Вирустун генетикалык кодундагы, б.а. антителолордун чабуулуна кабылган аймактардагы мутация менен айырмаланат. Окумуштуулар бул вирустун алып жүрүүчүлөр арасында активдүүрөөк жугушун шарттайт деп болжолдошууда. 

«Омикрондогу» коркунучту биринчилерден болуп көргөн Лондон Императордук колледжинин вирусологу Том Пикоктун айтымында, бул штаммдын түрчөлөрү организм «антителолордон качууга» жөндөмдүү экенин көрсөткөн. Бул жаңы штаммдарга каршы коргоону кошуу менен вакциналарды эмес, башка коргоо чаралары жакшыртуу керектигин билдирет. Тактап айтканда, анын пикири боюнча, абаны стерилизациялоо, желдетүү жана чыпкалоонун эсебинен вирус жөн эле жугуусу мүмкүн болбогон чөйрөлөрдү түзүү керек. 

«Кентаврдын» белгилери 

Оорунун белгилери мурдагыларга окшош: 

* дене табынын жогорулашы 

* дененин алсыздыгы 

* булчуңдардын оорушу жана баш оору 

* ашказандын оорушу 

* жыт сезүү бузулбайт 

* жогорку дем алуу жолдору көбүрөөк жабыркайт, бирок пневмония сейрек өнүгөт. 

«Кентаврдын» кооптуулугуна карата божомолдор 

Окумуштуулар жыйынтык чыгарууга али эрте экенин эскертишүүдө. «Омикрондо» сансыз мутацияларга ээ болуу жана BA.2.75 эң уникалдуу жана коркунучтуу болбой калуу мүмкүнчүлүгү бар. Окумуштуулар бул түрдүн пайда болушуна байланыштуу кандайдыр бир кооптонууну баштан кечирип жатышат, бирок адамдарды дүрбөлөң түшпөөгө үндөшүүдө. 

Иллюстрациялык сүрөт: Интернет булактарынан.