Гүлнара-Клара Самат Кыргызстандын Орусия жана Армениядагы элчиси кызматынан бошотулду
- 3 месяца мурун
Гүлнара-Клара Самат Кыргызстандын Россия жана Армениядагы элчиси кызматынан бошотулду.
Бул тууралуу Садыр Жапаров кол койгонун президенттин басма сөз кызматы кабарлады.
Гүлнара-Клара Самат Кыргызстандын Россиядагы атайын жана ыйгарым укуктуу элчиси болуп 2021-жылы февраль айында дайындалган. Ошол эле жылы Гүлнара-Клара Самат Кыргызстандын Армениядагы атайын жана ыйгарым укуктуу элчиси болуп дайындалды. Аны менен бирге ага Орусиядагы элчилик кызматын дагы айкалыштырып иштөө тапшырылган.
Гүлнара-Клара Самат мурда Клара Кабилова аттуу ысым менен белгилүү болгон.
Курманбек Бакиев Президент кезиндеги басма сөз катчысы, БШК экс-төрайымы болгон. БШК экс-төрайымы кезинде Максим Бакиевдин коркуткандыгына байланыштуу 2008-жылы өлкөдөн чыгып кеткен.
Өлкөгө кайтып келгенден кийин “Ата Мекен” фракциясынан депутат болгон. Фракциянын ишине активдүү катышпагандыгына байланыштуу, «Ата Мекен» фракциясынын депуттаттык мандатынан ажыратылган.
Сүрөт: Интернет булактарынан