Бишкекте ири өрт кырсыгы катталды
- 1 год мурун
Бүгүн, 8-мартта, Бишкек шаарынын Свердлов районунун Элебесов жана Щербаков көчөлөрүнүн кесилишинде жайгашкан имараттан өрт чыкты.
Бул тууралуу өзгөчө кырдаалдар министрлигинин (ӨКМ) басма сөз кызматы билдирди.
Маалыматка ылайык, аталган жайдын 1-кабатында дүкөн, 2-кабатында тигүүчү цех жайгашкан. Өрт имараттын чатырын жана 2-кабаттагы цехти каптап, болжол менен 200чарчы метр аянты өрттөнгөн.
Өрттү өчүрүүгө саат 16:39дан тартып өрт өчүрүүчүлөр тартылган.
Тилсиз жоо саат 17:37де чектөөгө алынып, учурда толук өчүрүү иши жүрүүдө.
Алдын ала маалыматтар боюнча, жабыркаган адамдар болгон жок.
Сүрөттөр: ӨКМ басма сөз кызматы
Муну бөлүшүү
