Бишкекте 8-кабаттагы чыккан өрт кырсыгында эки киши куткарылды
- 9 месяцев мурун
Бишкек шаарынын Октябрь районунун Аалы Токомбаев көчөсүндө жайгашкан көп кабаттуу турак үйдүн 8-кабатынан чыккан өрт саат 13: 20да өчүрүлдү.
Бул тууралуу өзгөчө кырдаалдар министрлигинин басма сөз кызматы билдирди.
Маалыматта айтылгандай, өрт өчүрүүчүлөр 8-кабаттагы өрт чыккан батирден эки кишини куткарышты жана 9,10-кабаттагы батирлерден 20 кишини эвакуациялады.
Куткарылган эки киши “Тез жардам” дарыгерлерине өткөрүлүп берилди.
Бүгүн, 11-ноябрда, Бишкек шаарында көп кабаттуу үйлөрдүн биринен өрт чыкты. Өрттү өчүрүүгө саат 12:05те Октябрь районунан эки машина, автошаты тартылган, саат 12:20да атайын штаб жөнөтүлгөнү кабарланган.
Сүрөттөр: ӨКМ басма сөз кызматы 
Муну бөлүшүү
