«Азаттык Медиасынын» жетекчиси алмашты
- 2 года мурун
“Эркин Европа/Азаттык” радиосунун кыргыз кызматынын Бишкектеги кеңсесинин, «Азаттык Медиа» мекемесинин жетекчиси алмашты. Айзада Касмалиеванын ордуна Бакыт Асанов директордун милдетин аткаруучу болуп дайындалды.
Касмалиева бул кызматта 2017-жылдын 1-майынан тарта иштеген. Ал «Эркин Европа/Азаттык радиосунун Прагадагы кеңсесине бир жылдык мөөнөткө адистик тажрыйба алмашууга барат.
Асанов 2011-жылы октябрда «Азаттыкка» кабарчы болуп келген. Бир жыл эл аралык медиа корпорациянын Прагадагы кеңсесинде адистигин жогорулаткан. 2017-жылдан тарта «Эксперттер талдайт» аналитикалык талкуу программасын алып барат.
«Азаттык» радиосу — Кыргызстанда бейтарап жана калыс маалымат тараткан медиа каражаттарынын бири. Анын кыргыз, орус тилиндеги веб-сайты жана социалдык медиадагы платформалары өлкөдөгү эң кеңири таанылган маалымат ресурстарынын катарына кирет.
Булак: «Азаттык»
