Армения ЖККУнун Кыргызстанда өтө турган машыгууларына катышпай турганын билдирди
- 1 месяц мурун
Армения Жамааттык коопсуздук келишими уюмунун (ЖККУ) машыгууларына катышпай турганын Телеграм каналындагы расмий баракчасында билдирди.
ЖККУнун кезектеги машыгуулары Кыргызстанда 3-сентябрдан 15-сентябрга чейин “Кызматташуу – 2024”, “Эшелон – 2024” жана “Издөө – 2024” машыгуулары өтөт.
Машыгууларга Кыргызстан, Беларус, Казакстан, Орусия жана Тажикстандын куралдуу күчтөрү, Ички иштер министрликтеринин (ИИМ), Өзгөчө кырдаалдар министрликтеринин (ӨКМ) кызматкерлери катышат.
Армениянын премьер-министри Никол Пашинян быйыл 12-июнда Армения Жамааттык коопсуздук келишим уюмунан (ЖККУ) чыгарын айткан.
1992-жылы Москванын демилгеси менен түзүлгөн Жамааттык коопсуздук келишим уюмуна — Армения, Беларус, Казакстан, Кыргызстан, Орусия жана Тажикстан мүчө. Акыркы кездери бул аскердик уюм өз мүчөлөрүнүн ортосундагы жаңжалдардын алдын ала албаганы жана алардын кызыкчылыктарын коргой албаганы үчүн сынга кабылып келет.
Сүрөт: RFE/RL
