Абанын температурасынын төмөндөшү күтүлөт
- 6 месяцев мурун
Синоптиктердин билдирүүсүнө караганда, 24-майда күндүз жана 25-26-май күндөрү Кыргызстандын аймагында туруксуз аба ырайы күтүлөт.
Мезгил-мезгили менен жаан жаап, күн күркүрөшү, бийик тоолуу райондордо кар жаашы, айрым жерлерде катуу жаан-чачын жаашы күтүлөт.
26-майда күндүз жана 27-майда түнкүсүн абанын температурасы төмөндөшү күтүлөт.
Батыштан соккон шамалдын ылдамдыгы секундасына 4-9 метрден, айрым жерлерде 17-22 метрге жетиши күтүлөт.
27-майда түнкүсүн жана эртең менен Нарын облусунун дыйканчылык аймактарынын айрым жерлеринде жана Ысык-Көл облусунун чыгышында 0…-2°ка чейин үшүк жүрүшү күтүлөт.
Мындай үшүк жемиш бактарынын гүлдөрүнө, бүчүрлөрүнө, байлаган мөмөлөрүнө, гүлдөгөн жер жемиштерге коркунучтуу.
Бул тууралуу өзгөчө кырдаалдар министрлиги эскертти.
