25-февраль: Баткен, Ош облустарынын тоолуу райондорунда кар жаайт

Бүгүн, 25-февралда, түнкүсүн Баткен, Ош облустарынын тоо этектеринде жана тоолуу райондорунда кар жаайт. Күндүз Баткен облусунун көпчүлүк аймактарында, Ош, Жалал—Абад облустарынын айрым жерлеринде жаан, кар жаайт.

Абанын температурасы:

Чүй облусунда түнкүсүн 0…5, күндүз 14…19

Талас облусунда түнкүсүн -2…+3, күндүз 11…16

Баткен, Ош, Жалал-Абад облустарында түнкүсүн 1…6, күндүз 14…19

Ысык-Көл облусунда түнкүсүн -1…-6, күндуз 6…11

Нарын облусунда түнкүсүн -6…-11, күндүз 3…8

Бишкек шаарында жаан-чачын жаабайт. Абанын температурасы түнкүсүн 3…5°, күндүз 16…18° болот.

Кыргызгидромет кызматынын билдирүүсүнө ылайык, 26-28-февралда аба ырайынын кескин өзгөрүлүшү күтүлөт.

Көпчүлүк аймактарда жаан, кар, тоо этектеринде жана тоолуу райондордо кар жаашы, айрым жерлерде жаан-чачын катуу жаашы күтүлөт. Айрым жерлерде туман түшөт. Жолдор тоңголок жана тайгак болуп, тоолуу аймактарда кар күрткүсү күтүлөт. Айрым жерлерде батыштан соккон шамалдын ылдамдыгы секундасына 15-20 метрге, Ысык-Көл акваториясында 19-24 метрге чейин жетиши күтүлөт.

Абанын температурасы кескин төмөндөйт

 Чүй өрөөнүндө түнкүсүн -2…-7° суук, күндүз 0…5° жылуу, Талас өрөөнүндө түнкүсүн -6…-11°, күндүз -2° сууктан…+3° жылуулукка чейин, Ош, Жалал-Абад, Баткен облустарынын өрөөндөрүндө түнкүсүн 0…-5° суук, күндүз 1…6° жылуу, Ысык-Көл ойдуңунда түнкүсүн -4…-9° суук, күндүз 0…5° жылуу, Нарын облусунун дыйканчылык аймактарында түнкүсүн -10…-15°, күндүз -2°суктан…+3° жылуулукка чейин, республиканын тоо этектериндеги райондорунда түнкүсүн -6…-11°, күндүз 0…-5°, тоолуу райондордо түнкүсүн -8…-13°, күндүз -3…-8°, бийик тоолуу райондордо түнкүсүн -18…-23°, күндүз -3…-8° суук, Суусамыр өрөөнүндө түнкүсүн -25…-30°, күндүз -7…-12° суук болушу күтүлөт.

Иллюстрациялык сүрөт: Интернет булактарынан