Шашылыш билдирүү: 27-28-февралда жаан жаап, карга айланат
- 5 лет мурун
27-28-февралда Кыргызстандын көпчүлүк аймактарында мезгил-мезгили менен жаан жаап, карга айланышы, тоолуу райондордо кар жаашы күтүлөт.
Батыштан соккон шамалдын ылдамдыгы секундасына 4-9 метрден, кээ бир райондордо 17-22 метрге жетиши күтүлөт. Абанын температурасы төмөндөшү мүмкүн.
25-февралдан 29-февралга чейин жаап өткөн жана күтүлүп жаткан жаан-чачынга байланыштуу Кыргызстандын тоолуу райондорунда кар күрткүсү жана кар көчкү түшүү коркунучу сакталат. Жолдор тайгак болуп муз тоңот. Унаалардын ортосундагы 500 метр аралык кыймыл чектелиши зарыл.
1-2-мартта жаан-чачын күтүлбөйт. Абанын температурасы жогорулайт.
Бул тууралуу өзгөчө кырдаалдар министрлигинин басма сөз кызматы билдирди.
Иллюстрациялык сүрөт: Интернет булактарынан.
Муну бөлүшүү
