Кыргыз милициясы эгемендик күнүнө даярданууда
- 5 лет мурун
Бүгүн, 27-августта, Бишкек шаарынын эски аянтындагы Өкмөт үйүнүн алдында Бишкек гарнизонунун ички иштер органдарына саптык- тескеме өтүлдү.
Салтка айлангандай, анда ички иштер органынын кызматкерлеринин коомдук тартипти жана жарандардын коопсуздугун камсыздоо боюнча милдеттерин аткаруудагы даярдыгы текшерилди.
30-августтан баштап, 31-августтагы эгемендик күнүн майрамдоого, ошондой эле эл аралык деңгээлдеги иш-чараларга байланыштуу ички иштер органдарынын өздүк курамы кызматын өтөөдө күчөтүлгөн тартипке өткөрүлөт.
Иш-чараларды өткөрүүдө ал жайларга жакын жерлерде ички иштер органдарынын атайын кызматтары ыкчам иш-чараларды жүргүзөт.
Саптык кароо-тескемеге ички иштер министри Кашкар Жунушалиев, министрдин орун басарлары, ИИМдин борбордук аппаратынын, Бишкек шаардык, Чүй облустук башкармалыктардын жетекчилеринин катышуусунда өткөрүлдү.
Аянтта салтанаттуу жүрүш менен ИИМ структуралары салтанаттуу жүрүш менен өтүштү.
