Жеңиштин 74 жылдыгы: «Өлбөс полк» жүрүшү. Схема
- 5 лет мурун
Эртең, 9-майда, Улуу Жеңиштин 74 жылдыгы майрамдалат. Бул күнгө карата Бишкек шаарында кандай иш-чаралар болору тууралуу шаардык мэриянын басма сөз кызматы кабарлады.
9-майда Бишкектеги иш-чаралар үч блокко бөлүнөт.
Биринчиси “Өлбөс полк” жүрүшү саат 10:00 дө башталат. Жүрүшкө катыша тургандар саат 9:00 дө Түштүк магистралда Масалиев көчөсү менен Байтик баатыр көчөсүнүн кесилишине келиши керек.
Жүрүш саат 10:00 дө чыгып, саат 12: 00 дө Жеңиш аянтына келет.
Экинчи блокто саат 10:00 дө Түбөлүк оттун жанында митинг-реквием өтөт.
Үчүнчү блокто Дүйшөнкул Шопоков көчөсүндө концерт болот. Ал жакта Куралдуу Күчтөрдүн Башкы штабы 2 миң кишиге жоокердин боткосун таратат.
Жеңиш аянтында саат 19:00 дөн 22:00 гө чейин майрамдык концерт болот.
Саат 22:00 дө салют атуу менен иш-чара жыйынтыкталат.
Сүрөт: Интернет булактарынан.
