Путиндин сапарына байланыштуу жол кыймылы чектелет
- 5 лет мурун
Бүгүн, 27-мартта, Кыргызстанга Россиянын президенти Владимир Путин баштаган делегация келет.
Ага байланыштуу өлкөдө өзгөчө коопсуздук чарасы көрүлөт. Анын ичинде Бишкекте жана Чүй облусунда жол кыймылына чектөө киргизилет. Расмий иш-чараларга байланыштуу көчөлөр жабылат.
Бул тууралуу жол кыймылынын коопсуздугун камсыздоо башкармалыгынын басма сөз кызматы билдирди.
“Урматтуу Бишкек шаарынын жана Чүй облусунун тургундары жана меймандары! 27-28-мартта Россия Федерациясынын делегациясынын келишине байланыштуу Бишкекте жана Чүй облусунда жол кыймылына убактылуу чектөө киргизилет” деп билдирип, убактылуу ыңгайсыздыкка түшүнүү менен мамиле кылууга чакырат.
Сүрөт: Интернет булактарынан.
Муну бөлүшүү
