Өзгөн шаарында түнкүсүн турак үйдөн өрт чыгып, жанындагы объекттерге өткөн
- 2 года мурун
Бүгүн, 9-февралда, түнкү саат 03:22де Өзгөн шаарынын Ленин көчөсүндө жайгашкан турак үйдөн өрт чыкканын өзгөчө кырдаалдар министрлиги (ӨКМ) маалымдады.
Маалыматта айтылгандай, өрттү өчүрүүгө Өзгөн райондук №53 өрткө каршы куткаруу бөлүмүнөн (ӨКБ) бир бөлүм, саат 05:03тө кошумча бир бөлүм тартылган.
Өрттүн кесепетинен “Аура” тамактануучу жайынын жана райондук аскердик комиссариаттын кампа имаратынын чатыры күйгөн.
Өрт саат 05:23тө чектөөгө алынган. Өрттөн жабыркаган жарандар катталган жок. Келтирилген материалдык чыгымдар жана өрттүн келип чыгуу себеби такталууда.
Сүрөт: ӨКМ видеосунан алынды
Муну бөлүшүү
