Мугалимдерге ноутбук тапшырылды
- 11 месяцев мурун
Чүй облусундагы жетим жана ата-энесинин кароосуз калган балдар үчүн жатак-мектепке агартуу министринин биринчи орун басары Мухтарбек Баймурзаев 1-сентябрда барып, мугалимдер менен тарбиячыларга ноутбук тапшырды.
Бул тууралуу агартуу министрлиги билдирди.
Мухтарбек Баймурзаев тарбиялануучулар менен маектешип, алардын билим жолунда ийгиликтерди багынтуусун каалап, балдардын келечегине жылуу каалоо-тилектерин билдирди.
Министрдин биринчи орун басары мектептин имараттарын жана материалдык-техникалык базасын да көрүп, азыркы учурда жүргүзүлүп жаткан оңдоп-түзөө иштеринин абалы менен таанышты.
2025-жылы агартуу министрлиги жатак-мектепке 20 млн сом бөлүп берген, бул каражаттын эсебинен жатак-мектептин имараттары жаңыланып, шарттары жакшыртылууда.
Сүрөт: edu.gov.kg
