Мадумаровдун бөгөт чарасын кароо 13-ноябрга жылдырылды
- 11 месяцев мурун
Депутат Адахан Мадумаровдун бөгөт чарасын кароо 13-ноябрга жылдырылды. Бул тууралуу Бишкек шаардык сотунун басма сөз кызматынан билдиришти.
Бүгүн, 31-октябрда Бишкек шаардык сотунда Мадумаровдун баш коргоо чарасы каралмак. Мадумаровдун ооруканада болгондуктан соттук отурум 13-ноябрга жылдырылды. Саясатчынын бөгөт чарасын өзгөртүүнү өтүнүп, адвокат шаардык сотко аппеляциялык арыз менен кайрылган.
“Бүтүн Кыргызстан” фракциясынын лидери Адахан Мадумаровду 2-сентябрда Бишкекте Ички иштер министрлигинин (ИИМ) атайын даярдыктагы отрядынын кызматкерлери кармап кеткен.
Адахан Мадумаров 24-октябрга чейин Улуттук коопсуздук мамлекеттик комитетинин (УКМК) тергөө абагына камалды. Мындай чечимди Бишкектин Биринчи май райондук соту 2-сентябрда кабыл алды.
Ички иштер министрлигинин (ИИМ) тергөө кызматы тарабынан Жогорку Кеңештин депутаты Адахан Мадумаровго мамлекетке чыккынчылык кылуу боюнча айып коюлуп жатканын айтып, билдирүү тараткан.
