Өлкөдө айрым мектептер аралыктан окутууга өттү
- 1 неделя мурун
Билим берүү жана илим министрлиги Ысык-Көл облусу боюнча 5 мектеп соңку жаан-чачындан кийинки селдин кесепеттерин жоюу жана оңдоп-түзөө иштерине байланыштуу убактылуу аралыктан (онлайн) окутууга өткөндүгүн билдирди.
Аралыктан окутууга өткөн мектептер булар:
Тоң районунун Бөкөнбаев айылындагы Ж.Алтымышбаев атындагы жалпы орто билим берүү мектеби 16-сентябрга чейин;
Ак-Суу районунун Черик айылындагы Т.Мамбетакунов атындагы толук эмес орто мектеби 20-сентябрга чейин;
Жети-Өгүз районунун Ак-Терек айылындагы Жунуш уулу Жапар атындагы жалпы орто билим берүү мектеби 15-сентябрга чейин;
Жети-Өгүз районунун Кабак айылындагы Ж.Аманбаев атындагы орто мектеби;
Ысык-Көл районунун Темировка айылындагы Э.Керимгазиев атындагы №1 орто мектеби аралыктан окутууга өткөрүлдү.
Мындан сырткары:
Бишкек шаарындагы №60 жалпы орто билим берүү мектеби;
Талас облусунун Бакай-Ата районунун Кең-Арал айылындагы А.Арыстанов атындагы орто мектебинин 5-11-класстары;
Талас шаарындагы К.Дарданов атындагы №3 орто мектебинин 2-11-класстары жана №5 орто мектебинин 5-11-класстары;
Талас облусунун Айтматов районунун Бейшеке айылындагы Т.Айтманбетов атындагы орто мектеби ремонт иштерине байланыштуу онлайн окутууга өттү.
Селден улам Чолпон-Ата шаарында, Жети-Өгүз, Тоң, Ысык-Көл райондорунда өзгөчө кырдаал жарыяланган.
Иллюстрациляык сүрөт: Интернет булактарынан
