Өлкөдө 500гө жакын көмүр сатуу базасы ачылды

Республика боюнча  477 отун, көмүр сатуу базасы ачылды. Бул тууралуу энергетика министрлиги билдирди. Бир тонна көмүрдүн баасы 3500 сомдон 10 миң сомго чейин болууда.   

Бир тонна көмүрдүн баасы:

1.Ысык-Көл облусунда —  4322-9500 сом;

2.  Нарын облусунда — 3500-5800 сом;

3. Чүй облусунда — 5000-6600 сом;

4.  Талас облусунда — 6300-8900 сом;

5. Бишкек шаарында — 5200-6300 сом;

6. Ош облусунда — 5000-9000 сом;

7. Баткен облусунда — 5000-10000 сом;

8. Жалал-Абад облусунда — 4000-7000 сом;

9. Ош шаарында — 6500-7000 сом.

Бишкек шаарынын Жылуулук электр борборуна (ЖЭБ) 750,0 миң тонна көмүр, анын ичинен “Тегене” Таш-Көмүр кенинен 50 миң тонна, “Кыргызкөмүр” МИ боюнча 520 миң тонна көмүр, Миң-Куш көмүр кенинин “Агулак” тилкесинен 180 миң тонна көмүр жеткирүү көрсөтүлгөн. 

Маалыматка ылайык, 2024-жылдын январь айынан сентябрь айына чейин Кара-Кече кенинен 664,5 миң тонна көмүр казылып алынган.

Быйылкы жылы “Кара-Кечеден” калк үчүн көмүр ташуу 16-июлдан башталып, 2024-жылдын 01-октябрына карата 216,6 миң тонна көмүр жөнөтүлдү, Бишкек шаарынын ЖЭБине болсо 2024-жылдын 7-июлунан тарта жөнөтүлө баштаган көмүр бүгүнкү күнгө карата 95,2 миң тоннага жетти.

Иллюстрациялык сүрөт: Интернет булактарынан