ӨКМ катуу шамалдан жабыркаган объекттер боюнча маалымат берди  

Кечээ, 18-майда, катуу шамалдын кесепетинен жабыркаган аймактарда райондук жана шаардык жарандык коргонуу комиссиялары тарабынан тактоо иш-чаралары жүргүзүлүүдө. Өзгөчө  кырдаалдар министрлиги (ӨКМ) шамалда жабыркаган объекттер боюнча маалымат берди.  

Ысык-Көл облусунда:

— Каракол шаары боюнча көп кабаттуу 5 үйдүн, турак үйдүн, медициналык окуу жайынын, чарба курулуштун чатырларын учуруп, унаа жабыркаган жана 3 бак кулаган;

— Ак-Суу району: 84 турак үйдүн, 3 мектептин, 3 бала бакчанын, 3 бейтапкананын,  машыгуу залынын, 56 чарба курулуштун чатырларын учуруп, 18 трансформатор жабыркаган жана 113 бак кулаган;

— Жети-Өгүз району: 23 турак үйдүн, кафенин, 4 мектептин, бала бакчанын, салык кызматынын имаратынын, 65 чарба курулуштун чатырларын учуруп, унаа жана 6 трансформатор жабыркаган, 14 бак кулаган;

— Түп району: 2 турак үйдүн, 3 чарба курулуштун чатырларын учуруп, 300 метр электр чубалгылары жабыркаган. унаа жана 6 трансформатор жабыркаган, 14 бак кулаган;

— Тоң району: 5 турак үйдүн, конок үйдүн, 3 чарба курулуштун чатырларын учуруп, 2 бак кулаган;

— Ысык-Көл району: унаа жабыркаган жана 14 бак кулаган;

Жалпы облус боюнча көп кабаттуу 5 үй, 217 турак үй, 17 социалдык объект, 127 чарба курулуш, 3 унаа, 26 трансформатор жабыркаган жана 139 бак кулаган.

Ал эми Нарын облусу боюнча:

Нарын райондук Жарандык коргонуу комиссиялары кечээ, 19-майга карата жүргүзгөн тактоо иштеринин натыйжасында төмөндөгү кырдаал түзүлгөн:

— Дайракунов айыл аймагындагы Жерге-Тал айылында турак үйдүн чатырын учуруп кеткен;

— Дөбөлү айыл аймагынын Кайынды айылында  турак үйдүн, Таш-Башат айылында  турак үйдүн жана Дөбөлү айылынын сарайдын чатырланын учуруп кеткен;

— Чет-Нура айыл аймагынын Орто-Нура айылында турак үйдүн жана  маданият үйүнүн чатырларын учуруп кеткен.

— Мин-Булак айыл аймагына караштуу Өрнөк айылында турак үйдүн жана сарайдын, Куйбышев айылында турак үйдүн, цехтин, Миң-Булакта 2 турак үйдүн жана сарайдын, Жер-Көчкү айылында 8 турак үйдүн, 8 сарайынын, 5 кампанын, бастырманын чатырларын учуруп кеткен жана турак үйдүн сырткы жасалгасы жабыркаган. Оттук айылында сарайдын, Эмгекчил айылында сарайдын, Лахол айылында 12 турак үйдүн, 2 времянканын, бастырманын, дүкөндүн, гараждын, 11 мал кароосунун, 6 кампанын чатырын учуруп кеткен жана сырткы короодогу дубалын, тосмосун  кулаткан.

— Учкун айыл аймагынын Куланак айылында орто мектептин чатырын учуруп кеткен.

— Жан-Булак айыл аймагынын Жан-Булак айылында времянканын, 5 мал короонун, тегирмендин чатырларын учурган.

Жалпы район боюнча 30 турак үй, 43 сарай,  маданият үй, дүкөн, мектеп, 5 короо (навес), 7 дубал, цех жабыркаган.

Бүгүн, 19-майда Ысык-Көл облусунун Жети-Өгүз, Түп, Ак-Суу, Тоң райондорунун жана Каракол шаарынын, ошондой эле Нарын, Ат-Башы, Кочкор райондук Жарандык коргонуу комиссиялары тартылып, тактоо иштерин улантып жатат.

Сүрөт: ӨКМ