COVID-19: Кыргызстанда — бардык аймактар “жашыл зонада”
- 1 год мурун
Кыргызстанда бир жумада, 21-27-ноябрда, COVID-19дун 19 учуру аныкталган.
Бул тууралуу саламаттык сактоо министрлигинин оорулардын алдын алуу жана мамлекеттик санитардык-эпидемиологиялык көзөмөлдөө департаменти билдирди.
Катталган 19 учурдун ичинен 5 бейтап ооруканага жаткырылган, 14ү амбулатордук дарыланууда.
Маалыматка караганда, тобокелдикти баалоо матрицасына ылайык, бардык аймактар жашыл зонада турат. Акыркы жумадагы эффективдүү репродуктивдүү сан 1ден аз, бул өлкөдө COVID-19 боюнча туруктуу эпидемиологиялык абалды көрсөтүп турат.
2022-жылдын 10 ай 22 күнүндө жалпысынан COVID-19 инфекциясынын 21 783 учуру катталды, анын ичинен
19774 (90,8%) учур лабораториялык тастыкталган жана 2009у (9,2%) клиникалык жана эпидемиологиялык тастыкталган.
Муну бөлүшүү
