Бишкекте соода борборунун алдынан унаа айдай качкан жаран кармалды

Бишкекте Милициянын кайгуул кызматынын кызматкерлери тарабынан соода борборунун алдынан унаа уурдай качкан жаран кармалды. Бул тууралуу аталган мекеменин басма сөз кызматы билдирди.

Маалыматка ылайык, 5-ноябрда С.Д. аттуу жаран Ленин райондук милициясына арыз менен кайрылып, ошол күнү болжол менен саат 22:45 чамасында Баха жана Гагарин көчөлөрүнүн кесилишиндеги «Фрунзе» соода борборунун алдынан «Матиз» үлгүсүндөгү автоунаасын белгисиз жарандар айдап качып кеткенин кабарлаган.

Бул маалымат боюнча кайгуул кызматынын кызматкерлерине багыттама берилип, шектүү катары 1992-жылы туулган Б.Р. аттуу жаран кармалды.

Аталган факты Кылмыштардын жана жоруктардын бирдиктүү реестрине катталып, Жазык кодексинин 206-беренесинин («Автотранспорт каражаттарын айдай качуу») негизинде сотко чейинки өндүрүш башталды.