Бишкекте майрамдык иш-чара Усубалиев атындагы аянтта уюштурулду
- 4 недели мурун
Нооруз майрамына карата Бишкек шаарындагы Турдакун Усубалиев атындагы аянтта өткөн майрамдык иш-чарага Министрлер кабинетинин төрагасы Адылбек Касымалиев катышты.
Министрлер кабинетинин төрагасы жарандарды жаз майрамы менен куттуктады.
«Нооруз кылымдап келе жаткан салтты, маданияттагы көп түрдүүлүктү сактайт жана жакындаштырат. Ала-Тоо койнунда жашаган көп улуттуу элибиздин коломтосунан от, дасторконунан кут кетпесин» деди Министрлер кабинетинин төрагасы.
Ошондой эле аянтта улуттук тамак-аштардын көргөзмөсү, улуттук оюндар, элдик кол өнөрчүлүк буюмдарынын жарманкеси уюштурулду.
Бишкек шаардык мэриясынын билдирүүсү боюнча, быйылкы жылы майрамдык иш-чаралар Турдакын Усубалиев атындагы аянтта саат 10:00дөн 19:00гө чейин белгиленет.
Сүрөттөр: gov.kg
Муну бөлүшүү
