“Асман Эйрлайнс” авиакомпаниясы Тамчы – Баткен – Тамчы түз каттамын уюштурду
- 4 недели мурун
Бүгүн, 16-июлда, “Асман Эйрлайнс” мамлекеттик авиакомпаниясы Ысык-Көл жана Баткен облустарынын ортосунда Тамчы – Баткен – Тамчы багыты боюнча биринчи түз авиакаттамды аткарды.
Бул тууралуу «Кыргызстан аэропорттору» ачык акционердик коому (ААК) билдирди.
Баткендин тургундары Ысык-Көлдүн жээгине түз жетүү мүмкүнчүлүгүнө ээ болушту.
Ал эми Ысык-Көл облусунун тургундары өлкөнүн эң алыскы аймактарынын бирине тез арада жете алышат.
Каттамдар жайкы туристтик сезон учурунда жума сайын бейшемби күндөрү аткарылып турат.
Бир тарапка билеттин баасы 6 500 сомдон башталат.
Сүрөт: «Кыргызстан аэропорттору» ААК
Муну бөлүшүү
