9-майдагы аба ырайы: Көпчүлүк аймактарда жаан жаайт  

Кыргызгидромет борборунун билдирүүсү боюнча, бүгүн, 9-майда, түнкүсүн Нарын облусунун айрым жерлеринде, Чүй облусунун тоого жакын жана тоолуу аймактарында жаан жаайт, күн күркүрөйт.

Күндүз Талас, Жалал-Абад, Баткен облустарынын көпчүлүк жерлеринде, Чүй, Ош, Ысык-Көл, Нарын облустарынын айрым жерлеринде жаан жаайт, күн күркүрөйт. Батыштан соккон шамалдын ылдамдыгы секундуна 4-9 метр, айрым жерлерде 15-20 метрге чейин жетет.

Чүй облусунда  түнкүсүн 15…20, күндүз 23…28;

Талас облусунда түнкүсүн 9…14, күндүз 21…26;

Баткен облусунда түнкүсүн 15…20; күндүз 25-30;

Ош жана Жалал-Абад облустарында түнкүсүн 15…20, күндүз 25…30;

Ысык-Көл облусунда түнкүсүн 9…14, күндүз 22…27;

Нарын облусунда түнкүсүн 8…13, күндүз 23…28 градус болот.

Бишкекте күндүн экинчи жарымында өткүн өтөт. Абанын түнкү төмөнкү температурасы 18…20°, күндүзгү жогорку температурасы 24…26° жылуу болот.

9-11-майда республиканын тоо этектериндеги жана тоолуу райондорунда туруксуз аба-ырайына жана күтүлүп жаткан нөшөрлүү жаан-чачынга байланыштуу сел жүрүшү мүмкүн.

Сүрөт: Интернет булактарынан