​Бишкекте аялдардын укуктарына арналган жөө жүрүш кандай өттү? (Фоторепортаж)

8-мартта, Бишкекте, аялдардын укуктарына арналган жөө жүрүш уюштурулду. Иш-чаранын катышуучулары Ак үй тараптан баштап, Уркуя Салиеванын эстелигине чейин барышты. Катышуучулар, «Аял бактылуу болууга акылуу!», «Аял бактысы — татыктуу эмгек акысы» деген ураандарды айтышып, жалпы жонунан 500 гө жакын киши чогулду.

ПолитКлиника медиасы, аялдардын укуктарына арналган жөө жүрүштү сүрөттөр менен баяндайт.

Иш-чарага аялдар менен бирге мырзалар дагы келди. Алар «Чыныгы эркектер теңдиктен коркушпайт!» деген транспаранттарды көтөрүп жүрүштү.

Иш чаранын жүрүшүндө «Клооп» медиасынын журналисти Айдай Токоева коомчулуктун көңүлүн фемицидге бурдуруу максатында чачын кырды. Ал бул перфомансты эркек кишилер тарабынан өлтүрүлгөн 300 аялдын урматына арнады.

Белгилей кетсек, Кыргызстанда 8-мартта жыл сайын аялдарпдын укуктарын коргоо максатында жөө жүрүш уюштурулуп келет. 2020-жылдын 8-мартында ушундай эле тынчтык митинги уюштурулуп, жүрүшкө чыккандар менен“кырк чоро” уюмунун ортосунда кагылышуу болгон.

Гулиза Урустамбек кызы