​Андрей Воропаев: Кабатыр болуунун кажети жок. ЖЭБде жагдай калыбына келтирилет (ВИДЕО)

Бүгүн, 29-октябрда, түштөн кийин Бишкектин ар кайсы жерлеринде жапырт электр жарыгы өчүп-күйүп, айрым жерлерде жылуулук жана ысык суунун берилиши үзгүлтүккө учурады.

Бишкек Жылуулук электр борборунун директору Андрей Воропаев кабатыр болууга негиз жок экенин, 110-линия үзүлүп, жогорку чыңалуудан коргонуу системасы иштеп кеткендигин, үзүлгөн линия «Түндүкэлектрого» караштуу экендигин билдирди. ЖЭБдин иши 75 % оңдолгонун кошумчалады.

“Түндүк электро” Бишкекте жапырт электр жарыгы өчкөндүгүнүн себебин Жылуулук электр борборунда болгон аварияга байланыштуу экенин айтты.

Бишкек шаарынын мэринин милдетин аткаруучу Балбак Түлөбаев “Түндүкэлектронун” 110-линиясы үзүлүп, ЖЭБде коргонуу системасы иштеп кетип, буу чыгарып жатканын, жагдай калыбына келээрин айтып, кайрылуу жасады.

Вице-премьер-министр Равшанбек Сабиров 27-октябрда Бишкек ЖЭБинин күз-кыш мезгилине даярдыгын текшерген.

Сүрөт: «ПолитКлиника»

Муну бөлүшүү
Биздин иликтөөлөрдү колдоп, коррупция менен күрөшүүгө салым кошуңуз!

Окшош жаңылыктар

Журналисттик иликтөөлөр

Помочь проекту

договором оферты