Бишкекте зомбулукка каршы акция өтөт
- 4 года мурун
Эртең, 10-мартта, саат 12 де Бишкекте Уркуя Салиеванын эстелигинин жанында (Абдумомунов көчөсү менен Чүй проспектисинин кесилиши) зомбулукка каршы тынчтык акциясы өтөт.
Бул тууралуу уюштуруучулар билдиришти.
Акция 8-марттагы тынчтык жүрүшүнүн милиция тарабынан таратылуусуна реакция болмокчу.
8-мартта Бишкек шаарынын Свердлов районунда, Жеңиш аянтында митингге чыккандарды милиция кармап кеткен. Аларды кийинчерээк бошотушкан.
Бишкекте Биринчи май, Ленин жана Октябрь райондорунда сот чечимдери менен митинг өткөрүүгө 1-июлга чейин чектөө киргизилген.
Баш прокуратура Бишкектин борборунда 1-июлга чейин митингдерге тыюу салуу боюнча сот чечимдерин мыйзамсыз деп тапты.
Сүрөт: RFE/RL
Муну бөлүшүү
