Спикер Дастан Жумабековдун кеңешчиси кызматынан бошотулду

Жаңылыктар

Жогорку Кеңештин төрагасы Дастан Жумабековдун кеңешчиси Алмазбек Амангелдиевич Сабырбеков кызматынан бошотулду.

Бул тууралуу парламенттин басма сөз кызматы кабарлады.

“Жогорку Кеңештин аппараты өткөн аптада социалдык тармактарда тарап кеткен кат (№6-993/19) боюнча алдын- ала иликтөө иштерин жыйынтыктады.

Алмазбек Сабырбеков төраганын кеңешчиси катары анын иш кагаздарын жүргүзүүгө жооптуу болчу. Аталган кат боюнча иликтөө иштери уланууда,-” деп билдирди ЖК басма сөз кызматы.

Айта кетсек, социалдык тармактарга Жогорку Кеңештин спикеринин атынан премьер-министрге жолдонгон кат жарыяланып, анда одоно бир кыйла ката кетирилген.