Жогорку Кеңештин депутаты Алтынбек Кылычбаев ант берди
- 4 дня мурун
Бүгүн, 2-октябрда, Жогорку Кеңештин жыйынында Жогорку Кеңештин жаңы шайланып келген депутаты Алтынбек Кылычбаевдин ант берүү аземи болуп өттү.
30-сентябрда Шайлоо жана референдум өткөрүү боюнча борбордук комиссиясы Алтынбек Кылычбаевди №13 Сузак шайлоо округу боюнча Жогорку Кеңештин депутаты кылып каттады.
№13 Сузак шайлоо округу боюнча Жогорку Кеңештин депутатын мөөнөтүнөн мурда шайлоо 2024-жылдын 22-сентябрында өттү.
19-июлда Борбордук шайлоо комиссиясы Жогорку Кеңештин депутаты Тазабек Икрамовду мандатынан ажыратты. Буга Икрамовдун өз эрки менен арыз жазганы негиз болгондугу айтылды.
Тазабек Икрамов 2021-жылы өткөн шайлоодо бир мандаттуу Сузак шайлоо округунан шайланып келген. Икрамов бийликтин туура эмес иш-аракеттерин парламент трибунасынан кескин сындап келген.
Сүрөт: Видеодон алынды.
