Кыргызстан-Катар: Бир катар документтерге кол коюлду

  • 12 месяцев мурун

Катар эмири, шейх Тамим бин Хамад Аль Танинин Кыргыз Республикасына жасаган мамлекеттик сапарынын алкагында бүгүн, 7-июнда, эки тараптуу кызматташтыкты арттырууга багытталган бир катар эки тараптуу документтерге кол коюлду. 

Бул тууралуу президенттин басма сөз кызматы маалымдады.

Маалымтака караганда, төмөнкү документтерге кол коюлду:

1. Кыргыз Республикасынын Министрлер кабинети менен Катар өкмөтүнүн ортосунда маданий борборлорду түзүү жана иштетүү жөнүндө макулдашуу.

2 .Кыргыз Республикасынын Министрлер кабинети менен Катар  өкмөтүнүн ортосундагы аскердик тармакта кызматташуу жөнүндө макулдашуу.

3. Кыргыз Республикасынын Министрлер кабинети менен Катар өкмөтүгүг илим чөйрөсүндө кызматташуу жөнүндө макулдашуу.

4. Кыргыз Республикасынын Министрлер кабинети менен Катар өкмөтүнүн ортосундагы бажы мыйзамдарын оптималдуу колдонуу жана бажылык тартип бузууларга бөгөт коюу жана ага каршы күрөшүү максатында өз ара административдик жардам жөнүндө макулдашуу.

5. Кыргыз Республикасынын Министрлер кабинети менен Катар өкмөтүнүн ортосундагы ветеринария тармагында кызматташуу жөнүндө макулдашуу.

6. Кыргыз Республикасынын Министрлер кабинети менен Катар өкмөтүнүн ортосунда спорт тармагында кызматташуу боюнча өз ара түшүнүшүү жөнүндө Меморандум.

7. Кыргыз Республикасынын юстиция министрлиги менен Катар юстиция министрлигинин ортосундагы укуктук чөйрөдө кызматташуу боюнча өз ара түшүнүшүү жөнүндө Меморандум.

8.Кыргыз Республикасынын айыл чарба министрлиги менен Катар муниципалитет иштери боюнча министрлигинин ортосундагы өсүмдүктөрдүн карантини жаатында кызматташуу жөнүндө макулдашуу.

9. Кыргыз Республикасынын айыл чарба министрлиги менен Катар муниципалитет иштери боюнча министрлигинин ортосунда айыл-чарба жана азык-түлүк коопсуздугу жаатында өз ара түшүнүшүү жана кызматташуу жөнүндө меморандум.

10. Кыргыз Республикасынын финансы министрлиги менен Катар мамлекетинин финансы министрлигинин ортосундагы биргелешкен кызматташуу боюнча өз ара түшүнүшүү жөнүндө меморандум.

11. Кыргыз Республикасынын өзгөчө кырдаалдар министрлиги менен Катар мамлекетинин ички иштер министрлигинин ортосундагы өзгөчө кырдаалдардын алдын алуу жана жоюу жаатында кызматташуу боюнча өз ара түшүнүшүү жөнүндө меморандум.

12. Кыргыз Республикасынын Улуттук банкы менен Катар Борбордук банкынын ортосунда борбордук банктардын ишмердиги жаатында кызматташуу боюнча өз ара түшүнүшүү жөнүндө меморандум. 

13. И.Абдраимов атындагы Кыргыз авиациялык институту менен Катар авиациялык колледжи ортосунда адистерди даярдоо жаатында өз ара түшүнүшүү жөнүндө меморандум.

Катар мамлекетинин эмири, шейх Тамим бин Хамад Аль Тани бүгүн, 6-июнда, мамлекеттик сапар менен алгачкы жолу Кыргыз Республикасына 6-июнда келди. Мамлекеттик сапардын алкагында өлкө лидерлери 7-июнда чакан жана кеңейтилген форматтарда эки тараптуу сүйлөшүүлөрдү жүргүздү.

Сүрөт: Президенттин басма сөз кызматы.

Муну бөлүшүү

Журналисттик иликтөөлөр

Помочь проекту

договором оферты