Садыр Жапаров менен Режеп Тайып Эрдогандын расмий жолугушуу аземи өттү
- 2 часа мурун
Бүгүн, 5-ноябрда, Бишкек шаарында президент Садыр Жапаров менен өлкөгө мамлекеттик сапар менен келген Түркиянын президенти Режеп Тайып Эрдогандын расмий жолугушуу аземи болуп өттү.
Бул тууралуу президенттин сайтында маалымдалды.
Түркия Президентинин кортежи атчандардын коштоосунда “Ынтымак Ордо” имаратына келди.
Андан соң Садыр Жапаров менен Режеп Тайып Эрдоган расмий делегация мүчөлөрү менен тааныштырды жана Ардак кароолдун аскер кызматкерлери мамлекет башчыларынын алдында салтанаттуу жүрүш менен өттү.
Түркиянын президенти Режеп Тайып Эрдоган 4-ноябрда Кыргыз Республикасына мамлекеттик сапар менен келди. «Манас» эл аралык аэропортунда Түркиянын лидерин Кыргыз Республикасынын президенти Садыр Жапаров тосуп алды.
6-ноябрда Түркиянын президенти Режеп Тайып Эрдоган Түрк мамлекеттер уюмунун саммитине катышат.
Сүрөттөр: president.kg
