Мурдагы министр Алымкадыр Бейшеналиевдин кеңешчиси акталды
- 2 года мурун
Мурдагы саламаттыкты сактоо министри Алымкадыр Бейшеналиевдин мурдагы кеңешчиси Мээрим Тилекова акталды. Бул тууралуу анын жактоочусу Кайсын Абакиров Фейсбуктагы баракчасына жазып чыкты.
Ал мындай чечимди Жети-Өгүз райондук соту чыгарганын билдирди. Ошону менен катар эле соттун чечими менен ҮМБнын Ысык-Көл облусу боюнча мурдагы башкы дарыгери Бейшекан Жайлымышева толугу менен акталып, реабилитацияланды.
Ысык-Көл облустук сотунун басма сөз кызматынан билдиргендей, Мээрим Тилекова күнөөсүз деп табылып, анын аракетинде кылмыштын курамы жок болгондуктан акталган.
Эске салсак, Мээрим Тилекова былтыр 17-майда Кылмыш-жаза кодексинин 343-беренесинин (опузалап пара алуу) негизинде кармалган. Андан кийин тергөө амалдарын жүргүзүү үчүн Каракол шаарына жеткирилген. Кийин ал үй камагына чыккан.
