Мөөнөтүнөн мурда шайлоого катышуу үчүн арыз берген талапкерлердин саны бешке жетти
- 1 год мурун
Мөөнөтүнөн мурда шайлоого катышуу үчүн арыз берген талапкерлердин саны бешке жетти. Бул тууралуу БШКнын басма сөз кызматынан билдиришти.
Арыз берген талапкерлер: Максат Кунакунов, Эркин Булекбаев, Марат Арзыкулов, Актилек Нурланбеков жана Мирлан Камбаров.
№ 26 Ленин бир мандаттуу шайлоо округу боюнча депутаттыкка талапкерлерди көрсөтүү 2023-жылдын 27-апрелинде аяктайт.
Бишкек шаарынын № 26 бир мандаттуу Ленин шайлоо округу боюнча Жогорку Кеңештин депутатын мөөнөтүнөн мурда шайлоо 2023-жылдын 28-майына дайындалды.
Шайлоо жана референдум өткөрүү боюнча борбордук комиссиясы 2023-жылдын 27-мартында өткөн жыйналышында №26 Ленин бир мандаттуу шайлоо округу боюнча шайланган Жогорку Кеңеш депутаты Жаныбек Абировдун ыйгарым укуктарын мөөнөтүнөн мурда токтотту.
