Кыргыз-тажик чек ара чатагы: Көйгөй саясий жана дипломатия жолдору менен чечилиши керек
- 2 года мурун
Тышкы иштер министрлигинин расмий өкүлү Авазбек Атаханов 3-июнда Тажикстан менен чектешкен Баткен облусунун Баткен районундагы Булак-Башы тилкесинде болгон чек ара чатагы жана анын жүрүшүндө Кыргыз Республикасынын эки аскер кызматкери оор жаракат алгандыгы тууралуу комментарий берди.
Ал бардык проблемалар саясий жана дипломатиялык жолдор менен гана чечилиши керектигин баса белгиледи.
А.Атахановдун айтымында, тараптар келечекте эки жактан тең кагылышуулардын ар кандай сценарийлерин болтурбоо үчүн чек ара маселелерин чечүүдө конструктивдүү жана боорукер маанайды түзүүгө өз ара аракет кылышы керек.
3-июнда саат 12:00 чамасында кыргыз-тажик чек арасында ок атылды. Окуя Булак-Башы айылында болду. Кыргыз-тажик чек арачылары бири-бирине карата ок чыгарышкан.
Андан Кыргызстан тараптан эки киши жаракат алган.
Сүрөт: Интернет булактарынан.
