Кыргыз-кытай чек арасы 17-сентябрда бир күнгө жабылат
- 2 месяца мурун
Улуттук коопсуздук боюнча мамлекеттик комитетине караштуу Чек ара кызматы Кыргызстан менен Кытайдын чек арасы 17-сентябрда бир күнгө жабыларын билдирди.
Мекеменин басма сөз кызматы кабарлагандай, чек арадагы эки өткөрмө бекеттер — «Торугарт» жана «Эркечтам» Кытайдын демилгеси менен ал жакта «Күздүн ортосун белгилөө» майрамына байланыштуу жабылууда. Аталган бекеттер аркылуу адамдарды, автоунааларды жана жүктөрдү өткөрүү 18-сентябрда жанданат.
Кыргызстан менен Кытайдын чек арасындагы “Торугарт” жана “Эркечтам” өткөрмө бекеттери быйыл 1-марттан тарта күнү-түнү, дем алышсыз иштей баштаган.
Сүрөт: Интернет булактарынан
Муну бөлүшүү
