Ички иштер министринин орун басары: «Аксакалдын 120 миң сомун уурдаган жаранды кармап, жоопкерчиликке тартабыз»
- 2 года мурун
Бүгүн, 18-октябрда Жогорку Кеңештин комитет жыйынында депутат Русланбек Жакышов Токмоктогу мал базардан 120 миң сомун уурдаткан жаран боюнча суроо берди.
Ички иштер министринин орун басары Нурбек Абдиев: «Токмоктогу уурулук боюнча маалымат чыккандан кийин аксакалды таптык. Анын арызы кылмыштардын бирдиктүү реестрине катталды. Учурда ыкчам-иликтөө иш-чаралары жүргүзүлүүдө. Жакынкы арада кылмышка шектүүлөрдү кармап, жоопкерчиликке тартабыз», — деди.
16-октябрда Токмок шаарындагы мал базарда аксакал кишинин 120 миң сомун уурдап кеткен. Ошол учурда базарда тургандар ага 115 миң 500 сом чогултуп беришкен.
Муну бөлүшүү
